الزواج المبكر......؟

السلام عليكم...

اخواني واخواتي..

حبيت افتح معاكم اليوم موضوع يمكن هناك البعض منا من ينتظر ان يتم فتحه وهناك من عنده الخبره الكافيه اللتي ربما تساعد بعضنا في مثل هذي الامور...
فلذلك حبيت افتح باب النقاش لموضوع يهمنا جميعا"

ألا وهو الزواج المبكر... من خلال استطلاع نستوفي من خلاله الموافق والمعارض لمثل هذه الفكرة مع ذكر رأيه لأستكمال الإفاده
ــــــــــــــــــــــــــــــــــــــــــــــــــ ـــــــ

أبدأ بسم الله رأيي الشخصي :

ارى من خلال وجهة نظري ان الزواج المبكر له ايجابياته وسلبياته مثل بقية الامور... لكن ذلك لا يلغي الفكره ابدا" فهو يحل مشاكل كثيرة تواجه الشباب والشابات على السواء

خاصة اننا في زمن اصبحت فيه الاثارة الجنسيه امر شائع من خلال الاغاني الهابطةاو الافلام التافهه او ما شابه ذلك

فالزواج هنا منافعه وايجابياته تغطي على سلبيات الزواج نفسهاوكذلك العادات السيئة المنتشرة في ايامنا هذه

هذا رأيي ..... فما هو رأيكم؟؟؟؟ الزواج المبكر......؟ Z%20(47)

مع ارق التحيه الزواج المبكر......؟ 005

أرجو الردود

مممم انا برأيي انو الو سن معين

يعني انا بأيد الزواج المبكر بظروف معين .. يعني لو الشب رح يتغرب ببلاد صعب انو يتلافى او يبعد عن المعاصي فبحس انو الارتباط ممكن ان الله راد انو يعصمو من الحرام
لكن اذا كان هوي ماعندو اسباب تلزم عليه انو يرتبط خليه يفرح بحالو كم سنه
لانو لاحق على المصايب اللي جايتو

هادا رايي

ممم بصراحة أول شي يعطيك العافية أخي آدم عالموضوع الحلو

انا متفق معك فيما قلته وهو طبعا له إيجابياته وسلبياته

انا من وجهة نظري مافيني أقول إنو أمر إيجابي أكثر من إنو أمر سلبي وليس الزواج المبكر تصرف سلبي أكثر من إنو هوي تصرف إيجابي!!؟ لأنو بصراحة إلي رح يحدد هالشي الشخص نفسوا يعني هي الشغلة بترج لكل شخص ولظروفه والوضع الذي يعيش فيه..

بس بشكل عام فينا نقول إنو له إيجابيات متل ماقلت إنو يحمي ويصون الشباب من الرذيلة والفتن والمغريات المنتشرة في كل مكان طبعا للأسف الشديد..()والسبب إنو أصبح كل الناس تفكر بالدنيا وكيف بدها تعيش فيها وكيف ترضي غرورها وذاتها وشهواتها ونسيت الآخرة وإنها هي العيشة الأبدية...المهم انا مابدي أدخل بغير موضوع ...))

فالشب إلي حريص على نفسه وعدينو وصحتو وقادر على الزواج المبكر((وهنا أقصد بقادر على الزواج يعني مستعد من جميع الجوانب لأنو الزواج مو لعبة هي مسيرة حياة زوجية أبدية..وتضمن مسؤوليات وواجبات وحقوق..لكل طرف إتجاه الطرف الآخر..كمان مابدي أخرج عن الموضوع كتير...المهم))

بس هون في مشكلة إنو لو كان الشاب غير قادر عالزواج المبكر لأسباب معينة أو حتى لسبب واحد يعني في شيء يمنعوا من هالزواج!!شو حيساوي انا بقول مالوا غير الصبر وان يلجأ لربوا والله نصيحة لكل الشباب حتى نفس الشي بالنسبة للبنات والللللله ياجماعة اللجوء لله فيه الكثير من الميزات بتحسن إنو بيعطيك طاقة وأمل وتصير تحسن إنك تشعر بشي من السعادة دخل قلبك بدون سابق إنذارمع إنك بتكون قبلها بلحظة منهك وتعبان وفاقد كل الأمل وألبك عبيوجعك والدموع ماوقفت من عيونك ...فعلا والله ياجماعة حتى إنو الرسول صلى الله عليه وسلم قال:يامعشر الشباب من إستطاع منكم الباءة فليتزوج فإنه أغض للبصر وأحصن للفرج ومن لم يستطع فعليه بالصوم فإنه له وجاء.

والله بصراحة انا شايف كلام الرسول كفى ووفى يعني بين لنا الأمر من كل جوانبه

اللهم صلي وسلم وبارك على سيدنا ونبينا وحبيبنا محمد وعلى آله وصحبه أجمعين..

وفعلا الصوووم إلو كتير منافع هو مو بس عبادة وإذا بتحبوا كمان أنا بضيف لصيامي الرياضة بكل أنواعها بحبها كتير وانا بشوف أهم شي إنوا الواحد كمان ينمي مهاراتوا او مواهبوا أي شخص بشوف عندوا مهارات بشي معين يحاول يطورها وينميها يعني أنا بشوف كل هالأمور

ممكن تساعد أي شخص فمتل هيك شغلات حتملي وقتوا وحتبعدوا عن أي شي غلط للأسف منشوف ناس كتير سواء بنات او شباب مابفكروا غير بأمور تافه متل إنت اليوم مع كم بنت حكيت او على كم بنت تعرفت أو إنتي مع كم شب حكيتي او كم شب بتعرفي هيك ناس فاضين وماعندن شي يملوا وقتهم فيه..المهم

الزواج المبكر ليس عادة سيئة بالعكس تماما أصلا كان معمول به على إيام الرسول وكان الرسول ينصح به لما فيه من فوائد.هون بدي قول شغلة عفكرة انا بشوف إنو كان الزواج المبكر سهل جدا على إيام الرسول أما نحنا بهذا الزمن أصبح للأسف مختفي نوعا ماطبعا والسبب هوي تغيرت كل المفاهيم والعادات والتقاليد بسبب إبتعادنا عن ديننا وسنة نبينا ثم تخلفنا

والدنيا أغوتنا بزينتها وغلاء المهور...وغيرها من أمور...وتخلف إقتصادنا لحتى صرنا في آخر الدول على مر العصور(بعد لما كنا على إيام الرسول دولة تخاف منها كل الدول)ولأننا أصبحنا تابعين للغرب إقتصاديا وإجتماعية وسياسيا وعسكريا.......إلخ وللأسف إنتشار ظاهرة التباهي بالمهور وغلائها وزيادة أعباء النفقة والإكثار من واجباتها مع إنو جاء الإسلام مخففا لكل هذه الأمور فتجد بسبب كل ماذكر سابقا إرتفاع البطالة وإنشار الرذيلة وخلق حلول غير شرعية...إلخ من الأمور التي لم تكن موجودة أصلا..

شفتوا لو كنا عايشين في زمن الرسول الكريم كنا كلنا متزوجين بكل سهولة وبدون تعقيدات هههه لابس أكيد لسا الدنيا بخير.

ومن إيجابيات الزواج المبكر يشعر الطرفين بالهدوء والإستقرار والطمأنينة النفسية التي قد لايشعر بها الأشخاص الذين تحكم عليهم الظروف بالزواج المتأخر

وكمان بكون مافي فارق بالسن بين الآباء والأبناء فتقارب الأعمار يساعد على إنجاح العلاقة بين الطرفين بس كمان هالشي برجع لطبيعة ونوعية عقلية كلى الطرفين وبحب أقول كمان إنو مهما كبر الإنسان بالعمر وكان يمتلك روح حلوة يعني يملك روح الشباب وروح الأبوه وروح الطفل والمرح فأنا بشوف لن يجد صعوبة أبدا مع أبنائه مهما كانت الأعمار.

اما سلبيات الزواج المبكر نجد كتير من الحالات لاتنجح مهما هذا النوع من الزواج السبب يعود لعقلية الطرفين المختلفة والزواج المبكر لايساعد كلا الطرفين على فهم الأمورالزوجية او خلينا نقول عدم تقديرهم للحياة الزوجية وبكون كلا الطرفين لايعرف ماهية واجباته او إلتزاماته إتجاه الطرف الآخر فيمكن ان تنشأ الإختلافات..فقد تحدث الكثير من المشكلات بسبب عدم إستيعاب الأمور بشكل عقلاني وتفاهمي..ومع ذلك تجد هناك الكثير من أشكال الزواج المبكر كان مميز وناجح بشكل جميل وأكبر مثال على ذلك زواج النبي محمد صلى الله عليه وسلم بالسيدة عائشة وهي بنت بالتاسعة من عمرها..وقد كان من أنجح الزيجات لذلك نجد اننا لانستطيع أن نحكم بشكل قاطع فيما إذا كان الزواج سيكون سعيدا او تعيسا..لكن بنظري أقول أنه لولا خبرة وحكمة وعقلية الرسول الكريم وتعامله الطيب والحنون والرائع الذي لايمكن وصفه مع السيدة عائشة لما كان الزواج ناجحا...فساعدنا يارب أن نستفيد من نبينا محمد صلى الله عليه وسلم ونتعلم منه

فهو أفضل علاج لنجاح أي زواج فليدوم أي زواج يجب أن يقوم على التفاهم وترك مساحة للحوار وتقبل الرأي والرأي الآخر بالإضافة للحب بكل ماتعني هذه الكلمة من معنى فلا يقف في طريقهم أي مشكلة .... وأسأل التوفيق لكل الأزواج وشكرا

وعذرا عالإطالة...

انا بحكي الزواج المبكر مشكله

هههههههههههههههههههههه ليش يا ادم ؟؟

ممكن يكون معك حق يا ادم بانو الزواج المبكر ممكن يخفف من الرزيلة بمجتمعنا
بس هون في نقطة كتير مهمة وحساسة
الشب مالازم يتزوج الا ليكون قادر على تحمل المسؤولية وهل مسؤولية الها جانبين
الاول هو الجانب المادي يلي اذا ما توفر عند الشب لح يتحول هو وزوجتو لعالة على اهلو اذا كانو اهلو مقتدرين و اذا ما كانو مقتدرين ماديا حيمرو بظروف مادية كتير صعبة ممكن تكون سبب بفشل زواجون
اما الجانب التاني هو جانب معنو كمان هل جانب كتير مهم وهو قدرت الشب على تحمل المسؤولية وهل شي بحددة مقداد نضج هل شاب مو عمرو يعني ممكن احكية بشكل تاني . هل سبق للشب وتحمل هيك نوع من المسؤولية
اذا توفرو الشرطين يلي حكيتو انا براي انو الشب لازم يتزوج لانو اذا ما تزوج حيضل شي ناقصو وهل شي هو ضلعو المفقود فخلي يدور علية بطريقة مشروعة احسلو من انو يتخبط لسنين وبالنهاية مالو غير طريق الزواج

معك حق جوجو ...... وفعلا كلامك واقعي وفي اطار الموضوع

ميرسي ... لاتحرمنا ردودك