صبح تاتا اتنين فى تلاتة

النهاردة وأنا في الشغل كالعادةتخيلتني مذيع في قناة الفطيرة وبعمل مقابلات لولبية مع الشعب المخنوق من شعر وشه والصراحة بعد ما فقت على صويت مديري اللي حلف بأيمانات المسلمين إن لو جاله السكر والملح حيبقى بسببي وإن مصر إنهارت إقتصاديا من ساعة ما اشتغلت عنده ( قال يعني هي كانت بتلعب حديد قبل كده ) المهم لقيت إن الحلم اللي حلمته لازم اشاركم فيه ( يعني اشمعنى مديري يلبسني لوحده ) وإليكم لطعات من الريبورتجاز اللي عملته

لطعة رقم 1
طبعا الشاب المذيع ( اللي هوا أنا ) ماشي في شارع صلاح تالف ومجموعة شباب روشين موووووووز واقفين على حافة الطريق وسؤال برييئ
أتعرف بيك ساسوا
ساسوا إيه أكتر مشكلة بتواجه الشباب يا ساسوا ؟؟ حب الشباب حضرتك هي مأساة الشباب وخصوصا في منطقة الوجه والفكين
طيب يا شباب لو كسبتم مليون جنيه حتعملوا بيها إيه
مايكي : أنا حتجوز موزّة صاروخ
كوكي : وأنا ححطهم في البنك عشان يجيبوا عائل
تاكي : أنا بقى حعمل شعري سبايكي
لطعة رقم 2
مجموعة من ستات مصر الطيبين
إزي حضرتك يافاندم
أنا ؟؟؟ ليه؟؟؟ يا مفتريين عايزين مني ايه ربنا ينتقم منكم شردتونا
أنا يافاندم إحنا برنامج " إحلم معانا نديلك برتقانة " أيوة أيوة إنت بتوع إريال سامحني يابني أصلي من ساعة ما استعملت برسيم كلر والهدوم بتنهق وجوزي مش راضي يدخل جوه البلوفر , وأنا بشكر السيد الرئيس إن وفرلنا مية المجاري في الشوارع عشان توسخ الهدوم ونلاقي حاجة نغسلها
لطعة رقم 3
مجموعة من الصناعية المحترقين قصدي المحترمين
صباح الخير يا رجالة
صباح الخير صبح تاتا إتنين في تلاتة عايز إيه يا فرفور ورينا عرض قفاك عالمسا
حضرتك إحنا برنامج " على القهاوي بنشوف بلاوي "
شاي هنا للباشمهندززز معلش ساحبني أصل موبيلي قاطع شحت والولية حماتي لابسة شرباتي
إحم حضرتك سايب شغلك ليه وراشق في القهوة يا باشا أنا كنت ماسك جامد بس هوا اللي خلي بيا وصدرلي الطارشة بس حضرتك ممكن تقوم تتدور ولا الشغل حيجي لحد عندك
هوا في ايه يا باشا ؟ سايدتك مخبر ولا من وزارة التمويه ؟؟؟؟

تخاريف بأااه:
أحلام يقظة

مشكوررر اسد

شكرآ على المرور

مشكووور أسوود فوتني بالحييط ضحك