لو اختك تصارحك بأنها تعيش قصة حب.......اوصف شعورك

الموضوع عبارة عن موقف لو وضعت فيه ماذا ستكون ردت فعلك ؟

تخيل انه في يوم من الايام صارحتك شقيقتك وقالت لك :

انها تعيش قصة حب و اعجاب مع شاب ماذا ستكون ردت فعلك

هل ستثور وتوسعها ضربا وربما مزقت جسدها ؟

ام انك ستتفهم الموقف وتكتم غيضك وتبحث عن الهدف من هذه العلاقة ؟

ام ستعمل على التفريق بينهما بأي وسيله وتبدأ في فرض طوق امني

وحصار رهيب حول شقيتك ؟
وهل ستخبر جميع افراد الاسرة ام ستتكتم على الموضوع و تحله بمفردك ؟

ماذا ستفعل بالضبط ؟ هذا السؤال ليس موجه للرجل فقط

بل لك انتِ ايضاً اختي بما ان الموضوع يخصك وانت جزء منه ماذا في نظرك على الرجل ان يفعل في هذه الحاله ؟

وياليت الكل يجاوب بكل صراحة...

وكل منا له وجهة نضر ويجب علينا احترامهااااااا

ياحبيبي مافي شي اسمو حب في الزمن دا (تحب تعال من الباب على قولهم )
لكن لاتقعد تعلق بنت الناس على امل تافه انتا عارف انك ماراح توصلو واذا كنت تحبها من جد المفروض تكون تبغالها الخير وماتصارحها الا وانتا جاهز فعلا انك تخطبها غير كدا مااعتقد انو ممكن في (رجال) يرضاها على نفسو
دمت بود تقبل مروري

بصراحة انا بشوف موضوع عادي جدا.. بالنهاية هي إنسانة متلي متلاها من حقها تحب تكره تمزح تضحك تلعب تزعل..يعني مابشوف في شي إسمو مسموح للشب والبنت لأ!؟

فأنا بصراحة أحترم صراحة أختي وبالحقيقة انا بشوف إنو إختك ما حتناقش هيك موضوع معك إذا كنت بالأساس في نظرها غير متفهم للموضوع او هي بتحمل فكرة عنك إنك لن تفهمها وبالتالي لن تتقبل الموضوع.. وبصراحة أكتر أنا بالنسبة إلي ...كنت أول شخص بعيلتي لما قالتلي إختي أنها تحب شخص معين وبدأت تاخد رأي بالشخص وجلست تحدثني عنه ..عفكرة مو بس هيك مواضيع بالعكس تماما تقريبا90بالمية من الأشياء ومواضيع تانية تكلمني فيها إختي وتأخذ رأيي فيها يبقى هناك 10بالمية تقريبا تكون أمور أنا متأكد إنها خاصة جدا ونسائية

ليش نتأكد!!؟ لأنوا بصراحة بيناتنا عطول الحوار مفتوح ونقاش منطقي وحلو وكلو بتفاهم وثقة

انا بدي قول تأكدوا تماما لما تكون العلاقة بين الأخوة بكل ماتعني هذه الكلمة من معنى وفيها شي من الحب والمودة والخير حتشوف إنو هيك موضوع عادي زي أي موضوع كان ..بس انا كامن مابحب كذب عحالي انا مابخفي شعوري إني حسيت بشي من الغضب او خليني قول بشي من الضيق وحتى يمكن يوصل لدرجةا لألم لما يجي حد من خواتي يناقشني بهيك مواضيع بس هاالشي كلو بكون جوا ألبي ما بحاول أظهر هالشي عوجهي أبدا بحاول أكتموا بألبي لأني مؤمن بشغلة وهي إنها إنسانة متلي متلها أولا وأخير متل ماأنا بحس وبشعر وبحن وبحب هي كمان متلي فبحاول آخد الموضوع بي برودة أعصاب وعفكرة هالشي مابطول معي غير دقيقة ونص بالظبط وهي أصلا ماحتشعر فيها او يمكن تكون هي شعرت فيها بس مباشرة بحاول أخدها بروح مرحة عشان ماحسسها بشي وبعدها أجلس جنبها أقولها إيه هاتي ياحلوتي لأشوف حكيلنا قصة الأميرة......كذا (يعني إسمها) وهيك باخد وبعطي معها بالحديث ولما بشوفها هي سكتت او سألتها شي معين وماحسيتها بدها تجاوب بحاول أبعد عنها شوي وإذا ماكان بدها تحكي بتركها بس مع لفة وبوسة وبقلها تأكدي تماما لو إحتجتي أي شي حتلاقيني حدك لما بدك ..ومشيت........ وجد أنا ساويتها مع إختي ومافي بعد نص ساعة إجت لحالها وحكتلي كل شي...طبعا حمدلله مافي شي كلو كان عادي وضمن حدودالله وشرع الله((وهالشي حتتأكد منو لما تعرف إختك حق المعرفة يعني مو زي أي بنت من الشارع لحتى تجي تقارنها فيها))بس هي يمكن خجلت او تلبكت فأنا حاولت أقدر ظرفها مو أكتر من هيك...المهم

جد انا بشوف أحلى شي لما تتعامل معهم كأنك أب وأخ وصديق و حبيب و طفل صغير فصدقني لما تعاملهم بهذه الطريقة فما حتحتاج إختك لأحد غريب لتتحدث معه وبعد ذلك لاسمح الله أن تتطور معها الأمور فتقابل ... ناس وتتكلم مع ... ناس .... وتذهب مع ...ناس.... وتنحرف(لاسمح الله).......إلخ.

وأكيد إنت مارح يهون عليك أختك تعمل هيك ..وطبعا هالشي برجع لطبيعة البنت ولتربيتها طبعا التربية والتوعية الصحيحة هي الأساس بس كمان مابيمنع إنو يكون هيك شي سبب لأنها تتغير.

بعدين صدقوني مافي أحلى من إنك تكون مصدر الثقة والحب والعطف والود لأختك

والضرب ليس علاج وليس وسيلة ولايجب إستخدامها ..هي من وجه نظري أصلا مالها داي ولامبرر في ألف مليون طريقة وطريقة غير الضرب ويمكن انا ذكرت هالشي في مناسبة سابقة بغير موضوع..!؟المهم

النقاش والحوار التفاهم الواعي هو المطلوب في جميع المواضيع

أما إنك تجي تفكر إنك تحاول تفرق بين الشب وبين أختك! فأظن حتكون إنسان سخيف..تحب نفسك ..أناني..سحطي بتفكيرك..وحتصغر بعيون إختك..ويمكن تكرهك وهاد أسوأ شي ..اصة لما تكون نية الشبة صادقة وإنو فعلا رايد الخير لأختك وإنو يتزوجها وإنو يكون عارف إنو الزواج مو لعبة وإنو كمان بنات الناس مو لعبة..!؟ أما طبعا لو كان غير هيك فأنا طبعا حيكون إلي كلام تاني مع الشب وتصرف تاني ومابدي أطلع عن الموضوع...

جد انا آسف عالإطالة بس هيك مواضيع بعتبرها حلوة وجميل إنو الإنسان يحكي فيها وهي مو عيب أبدا ... بالعكس بهالطريقة فينا نعرف الناس كيف بتفكر وإيش موقف كل شخص من أي موقف كان وهيك ممكن نكون لمحة عن شخصية الإنسان ..

وفي النهاية بس حابب أقول إنو بنظري طبعا حرام نحط هيك موضوع بقسم الأفكار السخيفة

لأني مابشوف إنو إختي تفكيرها بكون سخيف لما تفكر بهيك مواضيع ..هاد من حقها متل ماهوي من حقي..

المهم مشكووووووور عالموضوع الحلو هههههههه
تحياتي